झापा–मोरङमा प्रहरीको चेकजाँच, ब्राउन सुगरसहित ३ जना पक्राउ

विराटनगर, असोज ९ गते ।
झापा र मोरङ जिल्लाका विभिन्न स्थानबाट प्रहरीले लागूऔषध ब्राउन सुगरसहित तीन जनालाई पक्राउ गरेको छ।

प्रहरीका अनुसार असोज ८ गते गरिएको चेकजाँचका क्रममा झापाको प्रहरी चौकी टाघनडुब्बाबाट दुई जना पक्राउ परेका हुन्। पक्राउ पर्नेमा बाह्रदर्शी गाउँपालिका–६ का घनश्याम अधिकारी र फिदिम नगरपालिका–११, पाँचथरका राजु कुमार मेयोङबो रहेका छन्। उनीहरूको साथबाट ७ ग्राम ५६ मिलिग्राम ब्राउन सुगर बरामद गरिएको प्रहरीले जनाएको छ।

त्यसैगरी, मोरङको इलाका प्रहरी कार्यालय रानीले धरान उपमहानगरपालिका–१० का शिवराज राईलाई पक्राउ गरेको छ। उनको साथबाट ८ ग्राम ६२० मिलिग्राम ब्राउन सुगर बरामद भएको प्रहरीले जनाएको छ।

प्रहरीका अनुसार पक्राउ परेका तीनै जनामाथि बरामद लागूऔषध सम्बन्धमा आवश्यक अनुसन्धान तथा कानुनी कारबाही अघि बढाइएको छ।